2025 йил охирида Туркманистон Хитойга қувур орқали газ етказиб бериш бўйича иккинчи ўринни эгаллади. Бу ҳақда ХХР Бош божхона бошқармаси (БББ) томонидан маълумот берилган, деб хабар беради ТАСС агентлиги.
Ўтган йили Россиянинг Хитойга газ импорти 17,1% га ўсиб, 9,41 миллиард долларга етган.
Туркманистондан газ етказиб бериш 12,1% га камайиб, 8,41 миллиард долларни ташкил этган.
Мьянма учинчи ўринда (1,53 миллиард доллар), Қозоғистон тўртинчи ўринда (1,13 миллиард доллар) ва Ўзбекистон етакчи бешлик (тахминан 773 миллион доллар) рўйхатини якунлайди.
2024 йили Туркманистон Хитойга 9,57 миллиард долларлик, Россия 8,03 миллиард долларлик, ундан кейин Мьянма (1,39 миллиард доллар), Қозоғистон (1,36 миллиард доллар) ва Ўзбекистон (726 миллион доллар) газ экспорт қилган.
Сўнгги йилларда БББ Хитой томонидан чет элдан сотиб олинган газнинг жисмоний ҳажмига оид маълумотларни ошкор қилмаяпти.
